Sabunçu rayon ərazi qüvvələri ilə xəbərdarlıq və toplanış üzrə mülki müdafiə məşqi

2023-cü ilin mülki müdafiə tədbirləri planına müvafiq olaraq 23 iyun 2023-cü il tarixində (toplanış yeri “Bakı Fəhləsi” maşınqayırma zavodu TASC-nin inzibati ərazisi) keçirilmişdir. Filialın nəzdində Avtomobil nəqliyyatı sexində yaradılmış 2 avtomobil kolonunun şəxsi heyəti (əhalinin daşınması üçün nəzərdə tutulan avtomobil kolonu,  yüklərin daşınması üçün nəzərdə tutulan avtomobil kolonu) və mülki müdafiə xidməti məşqdə iştirak etmişdir.

Sabunçu r-n İcra Hakimiyyəti başçısının təsdiq etdiyi MM tədbirlərinin plan-qrafikinə müvafiq olaraq ildə 2 dəfə keçirilir.

Məşqin keçirilməsində məqsəd:

1.  “Mülki müdafiə haqqında” Azərbaycan Respublikası Qanununun tələblərinin obyektin rəhbər heyəti tərəfindən yerinə yetirilməsi, mülki müdafiə sənədlərinin tələblərə uyğunluğunun, rabitə və xəbərdarlıq sisteminin vəziyyətinin, fövqəladə hadisələr baş verdikdə qarşıda duran vəzifələrin yerinə yetirilməsi zamanı hərbiləşdirilməmiş ərazi mülki müdafiə dəstələrinin xəbərdarlıq toplanış üzrə hazırlığının yoxlanılması;

2.     Fövqəladə hadisələrin nəticələrini aradan qaldırarkən qəza-xilasetmə və digər təxirəsalınmaz işlərin təşkili məqsədi ilə hərbiləşdirilməmiş ərazi mülki müdafiə dəstələrinin xəbərdarlıq sxemi üzrə toplanış müddətinin müəyyənləşdirilməsi.

         Məşqə cəlb olunur: Sabunçu rayon İcra Hakimiyyəti başçısının 28 may 2023-cü il tarixli 139 №-li Sərəncamına müvafiq olaraq yaradılmış hərbilədirilməmiş ərazi mülki müdafiə dəstələrinin komandir- rəis heyəti və ştat cədvəlinə uyğun  əmlak, avadanlıq və texnika.