Biz kimik

Sənədlər əsasında Azərbaycanın ən qədim neft quyularının Abşeronun aşağı kəndlərində yerləşdiyi təstiqlənmişdir. Rəsmi mənbələrlə XIII fəaliyyəti məlum olan Balaxanı neft quyularının, 1733-cü ildə, İ.Lerx-in qeydlərində fars şahı zamanından istifadə edilən bir mənbə olması verilmişdir. Hazırda, Abşeronda ilk neft mənbəyi dərinliyi 35m olan, Balaxanı ərazisindəki Allahyar Məmmədəli Nur oğlunun 1594-cü ildə tikdiyi quyu sayılır.

"Xələfi" quyusunun yaxınlığında, 1823-cü ildə, üzərində "quyu 200 il bundan qabaq yenidən qurulub" sözləri yazılmış daş tapılmışdır

1837-ci ildə Balaxanıda, dünyada ilk neftayırma zavodu fəaliyyətə başlamış, 1869-cu ildə isə ilk dəfə olaraq mexaniki üsulla quyu qazılmışdır.

1873-cü ilin iyununda Balaxanıda üç ay ərzində 90 mln. pud neft vermiş ilk güclü "Vermişevski" fontanı vurur.

1879-cu ildə ikinci Balaxanı-Qara şəhər neft kəməri istehsala verilmişdir

1884-cü ildə 200 min puddan çox neft ötürmə qabiliyyətinə malik kəmərlərin sayı artıq 5 idi.

1941–1945-ci illərdə müharibə dövrü ilə əlaqədar digər yataqlar kimi Balaxanı neft yataqları da irrasional istismara məruz qalmışdır. Bu dövrdə minalanmış neft quyuları sonradan təmizlənmişdir. Ümumilikdə, 1873-1940-cı illərdə resursların irrasional istifadə edildiyini görmək mümkündür. Nobel qardaşları, Rotşild, Rokfeller kimi milyonçular, rus kapitalistləri gəldikdən sonra, XX əsrin əvvəllərində Balaxanıda neft istehsalı ilə məşğul olan, yerli və xarici neft şirkətləri və onların mədənləri, karxanaları fəaliyyət göstərirdi.

2012-ci ildən, Balaxanı-Sabunçu-Ramana yatağında çıxarıla bilən xam neftin miqdarınının artırılması məqsədi ilə neft verməni artıran yeni üsullardan reagen tərkibli məqsədyönlü su vurma üsulundan istifadə edilməyə başlanılmışdır. Beləliklə, hasilatın davamlılığını qorumaq və karbohidrogen ehtiyatlarının maksimum realizəsini həyata keçirmək üçün lay təzyiqinin bərpası hədəflənilir.